Свечената инаугурација на Џо Бајден почна во 10:30 часот по локално време (17:30 по македонско).
Потпретседетелката Камала Харис веќе ја положи заклетвата, откако Лејди Гага ја испеа американската химна.
По настапот на Џенифер Лопес и Бајден ќе ја положи заклетвата како 46. претседател на САД.
Церемонијата вообичаено во живо ја следат стотици илјади луѓе, но овој пат се очекуваат многу помалку набљудувачи поради епидемиолошките мерки во епидемијата на коронавирусот од кој досега починаа повеќе од 400.000 Американци.
Трамп денеска ја напушти Белата куќа и ѝ се обрати на јавноста, велејќи дека „ќе се врати во некаква форма“. Бајден на Twitter објави дека денеска е нов ден во Америка.
Трамп му оставил порака на Бајден во Белата куќа, но содржината на пораката не е објавена.
