Според списанието Healthline, гледањето на хорор филмови може да има позитивно влијание на психата на луѓето и да ги ублажи симптомите на стрес и анксиозност бидејќи според психолозите предизвикува „соочување со стравот“ што е најдобар начин за да го победите истиот.
Чудовишта под креветот, зомби, маскирани со моторна пила не се првите работи што ви паѓаат на ум кога се обидувате да се смирите.
Во интервјуто за документарниот филм „Fear in the Dark“(1991), Вес Крејвен изјави дека хорор филмовите не предизвикуваат страв, туку го ослободуваат.
Адреналинот предизвикан од хорор филмовите може да биде добар за мозокот на просечниот гледач.
Нашето тело ни кажува дека сме во опасност, но знаеме дека на седиштата во киносалите или во своите дневни соби сме сигурни.
Хорорите може да ве научат како подобро да се справите со стресот во реалниот живот. Во текот на стресниот филм се изложувате на сценарио кое може да ви предизвика да се чувствувате лошо и на тој начин ќе научите како да се справите со стресот во овие моменти.
Сепак, хорор филмовите може да влијаат и негативно на некои луѓе, особено на оние коишто се чувствителни бидејќи филмот ќе им предизвика чувство на стрес и паника.
