Во морето од негативни вести поврзани со пандемијата и масовните демонстрации против полициската бруталност, на сите добро ни доаѓа убава вест, збор, порака...
Токму таква позитива најдовме на профилот на битолчанецот Даниело Божиновски кој објави видео од кое застанува здивот. Видео кое ги покажува непроценливите и ненадминливи убавини на нашата Македонија, кое зрачи со слобода и инспирација – диви коњи во кас по падините на Пелистер.
„Можеби оваа снимка е една од најубавите што сум ги снимил сиве овие години, денови, саати поминати на планина. Уживајте во кратково видео. Јас им се восхитував додека ги гледав. Бисер Балкански... Wild Horses... ама не од Rolling Stones“, напиша Даниело во објавата.
Видеото е снимено на преспанската страна на Пелистер, на граничната линија со Грција, помеѓу врвовите Балтан и Цуце. Под овие врвови се наоѓаат селата Брајчино и Љубојно, раскажа Даниело за Kajgana.com.
Уживајте во глетката!
