Повеќето луѓе веќе знаат како функционираат привремените адреси за е-пошта, бидејќи такво е-сандаче нудат многу сервиси денес, а повеќето од нив се потполно бесплатни. Затоа, изненадување е што никој од големите технолошки играчи досега не ја понуди оваа можност. Но, ситуацијата наскоро би можела да се промени.
Android Authority забележа референци во најновата апликација за Android Gmail за нешто наречено Shield Email. Концептот е едноставен, Google нуди привремена адреса за е-пошта што корисниците можат да ја дадат на трети страни наместо нивната вистинска адреса. Откако ќе добие е-пошта на привремена адреса, таа се препраќа во инбокс, но откако корисникот ќе одлучи дека не сака да прима е-пошта од привремена адреса, може лесно да се ослободи од неа наместо да се занимава со филтри за спам и слични алатки.
Се претпоставува дека Google ќе дозволи само дојдовна пошта до привремена адреса за е-пошта, а не и појдовна.
Покрај тоа, се чини дека корисниците на Gmail може да имаат повеќе од една заштитена е-пошта, функција која моментално е само концептуална и е забележана во неколку текстуални референци и кориснички интерфејси и не е нешто за што Google официјално зборува. Затоа, ова би можело да се случи, но постои и можност тоа никогаш да не заживее.
