Постар човек од прилепско Ерековци бил изваден од бунар во кој претходно паднал и ја минал ноќта, а на пат до болница починал.
Како што соопшти полицијата, вчера 7.30 часот во полицијата во Прилеп, од Итна медицинска помош Прилеп е пријавено дека Љ.С. (65) од село Ерековци, прилепско, починал при транспорт од село Ерековци до Општа болница Прилеп.
Во неделата околу 18 часот, Љ.С. излегол од неговиот дом во село Ерековци и заминал во непознат правец. Неговата сопруга Д.С. заедно со соседите се обиделе да го најдат, но бидејќи не успеале, околу 22 часот таа го пријавила во полицијата во Прилеп за изчезнат. Следното утро околу 6 часот сопругата го пронашла во бунар во нива во близина на нивната куќа и со помош на нивниот зет го извадиле од бунарот. Љ.С. бил во несвесна состојба, неконтактибилен, со слаби витални знаци и премрзнат, со повреди на главата и рацете, но без знаци на насилство.
Во возилото на Итна медицинска помош, при транспортот кон болницата во Прилеп, починал. Увид на местото на настанот извршила екипа од полициската станица Прилеп.
