Барселона се најде на првото место на листата на најбогатите фудбалски тимови во светот Deloitte Football Money League (DFML), преминувајќи ја сегашната бариера од 800 милиони евра, создавајќи рекордни приходи од 841 милиони евра минатата година.
Добивката на тимот е скоро 10% поголема од нивниот ривал Реал Мадрид (757,3 милиони евра), кои остануваат на второ место во пласманот. Ова е исто така најголемата разлика во приходите помеѓу првиот и вториот тим откако се објавува извештајот на Deloitte.
Манчестер Jунајтед (711,5 милиони евра) – трет, останува највисоко пласиран англиски клуб на годишното рангирање на Deloitte.
Баерн Минхен (660,1 милиони евра) ја зазеде четвртата позиција, а Пари Сен Жермен (635,9 милиони евра) влегува во првите пет на сметка на Манчестер Сити (610,6 милиони евра), кој паѓа на шесто место. Тотенхем е осми, што е највисоката позиција што клубот ја зазел досега. Тој се најде пред Арсенал и Челзи и стана екипа со најголеми приходи во Лондон за првпат од 1996/97 година.
Јувентус, во меѓувреме, се врати во првите 10 на листата на Deloitte благодарение на потписот со Кристијано Роналдо. Суперѕвездата на Португалија, кој може да се пофали со повеќе следбеници на Instagram од Барселона и Реал Мадрид, му помага на Јуве да постигне комерцијален раст преку поголема видливост на брендот.
Севкупно, екипите на првите 20 позиции по приходи остануваат релативно стабилни, откако само два нови учесници се приклучија во однос на минатата година – Лион се најде на 17-тото место (се искачи од 28-та позиција) и Наполи го зазеде 20-тото место (од 21-ви минатата година).
20-те клубови со највеќе приходи во светот достигнуваат рекордни 9,3 милијарди евра комбиниран приход во 2018/19 година, што претставува раст од 11% од претходната година.