По шокантниот расплет сезонава во германската елита и новата титула на Баерн, остана само да се поделат наградите за најдобрите.
Откако во Бундеслигата повеќе ја нема гол-машината Роберт Левандовски, тоа драстично се одразува и на изгледот на листата на стрелци на крајот од сезоната. Замислете, ниту еден голгетер не успеа да стигне до границата од 20 постигнати гола. Минатата сезона најдобар стрелец беше Левандовски со, внимавајте, 35 голови.
Наградата за најдобар голгетер ја поделија двајца играчи, кои успеаја да постигнат по скромни 16 голови. Тоа се 30-годишниот Никлас Филкруг од Вердер и 25-годишниот Кристофер Нкунку од Лајпциг.
Зад нив се Рандал Коло Муани од Ајнтрахт и Винченцо Грифо од Фрајбург со по 15 голови, а трет со 14 е Серж Гнабри од Баерн.
И борбата за најдобар стрелец имаше драматична завршница. Филкруг во последното коло влезе како лидер со два гола пред Нкунку, Коло Муани и Грифо, но не успеа да постигне гол на гостувањето кај Унион Берлин. Нкунку уште во првиот дел му даде гол на Шалке, а иако победата беше веќе обезбедена, во 4. минута од надополнувањете погоди усште еднаш со што се израмни со Филкруг. Коло Муани и Грифо постигнаа само по еден гол во нивниот последен натпревар, кој патем го играа еден против друг.
Статистички гледано, Филкруг 16-те гола ги постигна на 28 натпревари, а 5 му беа од пенал. Со одиграни 2.477 минути тој сезонава погодуваше во просек на секои 155 минути, или 0,57 голови по натпревар. Запиша и 5 асистенции.
Нкунку тука е подобар. Тој одигра 25 натпревари и од пенал погоди 3 пати. Во просек даваше гол на секои 118 минути од одиграните вкупно 1.891, а стрелаше просечно по 0,64 голови по натпревар. Запиша 6 асистенции.
Споредба на најдобриот стрелец во Бундеслигата со другите од топ 5 лигите:
Премиер лига: 36 гола Ерлинг Холанд (Манчестер Сити)
Лиг 1: 28 гола Килјан Мбапе (ПСЖ)
Серија А: 25 гола Виктор Осимхен (Наполи)
Ла Лига: 23 гола Роберт Левандовски (Барселона)
Бундеслига: 23 гола Никлас Филкруг (Вердер) и Кристофер Нкунку (Лајпциг)
Забелешка: Во Лиг 1, Серија А и Ла Лига има уште едно коло да се одигра, што значи дека конечниот број на голови може да претрпи промена.
