Кивито се смета за една од најпопуларните намирници, богато е со витамини и други хранливи состојки.
Кивито го зајакнува имунитетот, го регулира крвниот притисок и варењето, помага во лечење на респираторни заболувања, главоболка и стрес. Многу е вкусно и здраво, полно е со витамин Ц, А, Е, К и Б комплекс, како и минерали – калиум, калциум, фосфор, магнезиум.
Со редовното консумирање на киви се намалува количината на триглицериди во крвта за 15 отсто, а ова овошје помага за одржување на здравјето на коските, заздравување на раните, а позитивно влијае и на дигестивниот систем бидејќи ја одржува рамнотежата меѓу добрите и лошите бактерии во цревата.
Го ублажува стресот
Кивито е идеално овошје за модерното општество во кое живееме. Поради големата количина на витамин Ц, го ублажува стресот и вознемиреноста.
Го подобрува варењето – кивито спречува гастритис.
Со оглед на тоа дека содржи многу вода, кивото е идеално доколку сте на диета за да го исфрлите вишокот течности од организмот.
Ја подобрува циркулацијата
Витамин Е и омега 3 и 6 масни киселини спречуваат згрутчување на крвта и го подобруваат здравјето на артериите. На овој начин се спречува појава на тромб, па затоа кивито е идеално за спречување на срцев удар и оштетување на мозокот.
Ги зајакнува коските
Минералите кои се присутни во кивото помагаат за побрзо зараснување на коските при кршење и го подобруваат функционирањето на нервниот систем.
Го зајакнуваат имунолошкиот систем
Покрај витаминот Ц, големата количина на фолна киселина која се содржи во кивито го зајакнува имунолошкиот систем и ве чува од настинки и грип.
Кој не смее да консумира киви?
Луѓето кои имаат проблеми со бубрезите не смеат да јадат киви бидејќи тоа може да биде причина за создавање камење и песок.
