Го распнаа Васил поради баба му од Пиринска Македонија

Деновиве цел на негативни напади е македонскиот претставник на Евровизија, Васил Гарванлиев, поради тоа што е еден од оние кои имаат бугарски пасош.

Нападите врз македонскиот претставник започнаа веднаш по објавувањето на спотот за песната „Here I stand“ на 11-ти месецов. На спотот снимен во ликовната галерија Даут-пашин амам во Старата скопска чаршија во кадар влегува и уметничката поставка наречена „Омаж на Андреј Рубљов“ поставена уште во 1995 година и создадена во комбинирана техника на иверка со големина од 210х275 сантиметри, а дело на Жанета Вангели. Токму оваа поставка го запали оганот.

На многумина ова дело им личеше на бугарско знаме. Инаку, бугарското знаме е хоризонтално, а не вертикално. Но, ајде. Самото тоа што толку народ се насанка на ова дело е само доказ за примитивноста на македонското население, за луѓе кои очигледно во животот не ни стапнале во галеријата Даут-пашин амам. Веројатно и не ни знаат да ја најдат каде е, па освен со помош на Google Maps би се загубиле низ градот барајќи ја. Арно ама, сега излегоа и вексилолози, ако знаат што значи овој збор.

Remote video URL

За последен пат, поставката нема допирна точка со Бугарија и нејзините национални симболи. Реакцијата на поставката е само немил доказ за ниската култура на македонското општество, на луѓе кои попрво гледаат бугарштина отколку уметност.

Нејсе, Васил додатно сам фрли масло на веќе распламтениот оган со неговата изјава дека поседува бугарски пасош. На гостување во некоја емисија за Евровизија, откри дека покрај македонското поседува и бугарско државјанство. Водителот го праша како станал државјанин на нашиот источен сосед, па Васил ја реши и таа мистерија.

„Струмица е многу блиску до бугарската граница, па роднина на мојата баба е роден од таа страна од границата“, објасни тој, иако малку нејасно дали станува збор за баба му или за некој друг роднина.

Во ниту еден момент Васил не рече дека има бугарско потекло. А, патем, сите би требало досега да знаат дека на другата страна на границата од Струмица е Пиринска Македонија, дел од Македонија кој е окупиран од Бугарија уште од Баланските војни и каде сѐ уште живеат Македонци, иако бугарската власт упорно одбива да ги признае.

Васил откри и дека бугарско државјанство неговото семејство извадило уште пред 20-ина години токму на основа на тоа што овој негов роднина е роден на бугарска територија.

Remote video URL

Дали Васил е Бугарин бидејќи има бугарски пасош? Ако е така, тогаш што правиме со тие 100 илјади, или колку и да се, Македонци кои имаат бугарски пасоши? Дали сите тие на сила ќе ги направиме Бугари? Апсолутно не. Многу добро на сите ни е јасно зошто граѓаните на оваа земја ги земаа тие пасоши кои бугарската власт како бомбони ги делеше, а по влегувањето во ЕУ беше приморана да ги зацврсти правилата. Тие не ни живеат тука, впрочем затоа и им се пасошите.

Васил во 1997 година се пресели во САД, каде по терористичките напади на 11 септември беа зацврстени условите за имиграција, па со фамилијата беше депортиран. Тука на сцена стапува бугарскиот пасош. Откако го извади, се пресели во Милано, па во Лондон, а денес живее во Торонто. Ете зошто Васил е „Бугарин“.

За просечниот македонски душегрижник, не би било лошо еден ден да тркне и до Даут-пашин амам и да види малку и уметност.

За Васил, среќен настап на Евровизија, јас секако нема да гледам бидејќи со тој циркус одамна расчистив. Гледав Санремо, одличен музички фестивал, а циркузијада во боја не ми треба. Друга тема е зошто државава фрла пари за учество на таков циркус, но за тоа во некоја друга прилика.

А, за Македонците од Пиринска Македонија - држете се и не попуштајте!

реклама

Маск му понуди 5.000 долари на тинејџер: Престани да ми го следиш авионот

Read more

Шах-мат од НАТО: Војна нема да има

Read more

Сателитски снимки открија што прави Русија на границата

Read more

Што е SWIFT и зошто може да биде оружјето од кое Русија најмногу се плаши?

Read more

Теми и коментари

Како да препознаете дива или измамничка е-продавница на Facebook?

Read more

Колку е нечујна трансфобијата во високото образование?

Read more

Жените не ви должат ништо

Read more

Не, не сум океј

Read more
 

Ново

  • play_arrow

Овие пет филмови се најголемите фаворити за Оскарите

Читај повеќе

Има само една правилна поза за спиење ако сакате да сте здрави

Читај повеќе
  • play_arrow

Едно во 80.000: Објавена снимка со бебе што се роди во водена обвивка

Читај повеќе
  • play_arrow

Што се случува со телото кога ќе престанеме да јадеме?

Читај повеќе

Разбиваме митови за хороскопските знаци: Овенот не е агресивен, Ракот одлично се справува со емоциите

Читај повеќе

Вејн Руни го одби Евертон, останува во Дерби Каунти

Читај повеќе
  • filter

Како изгледа денес Џерод Смит од „Sex and The City“?

Читај повеќе

Дали треба да причекаме со бустер дозата дозата додека не стигне вакцината против омикрон?

Читај повеќе
  • play_arrow

Холанд ќе чува крави кога ќе се повлече од фудбалот

Читај повеќе