Го водеше Дрим Тимот до златото, па се повлече: Познат наследникот на Кер

Откако кошаркарите на САД го освоија олимпиското злато по петти пат по ред, дојде до промена на клупата на нивната репрезентација. Долгогодишниот селектор Стив Кер одлучи да се повлече од таа функција, а на негово место треба да дојде шефот на стручниот штаб на Мајами Хит, Ерик Споулстра.

Како што изјави Еван Сидери од The Forbes, Стив Кер нема намера да остане селектор на Американците, откако по многу мака успеа да ја одбрани титулата во Париз, а очигледно веќе е познат неговиот наследник.

„Стив Кер најверојатно ќе се повлече од функцијата главен тренер на тимот на САД, што значи дека ќе биде потребен нов водечки глас за Олимпијадата 2028 година во Лос Анџелес. Ерик Споулстра се смета за силен внатрешен фаворит за да стане следниот тренер на тимот на САД по Грег Попович и Кер“, истакнува Сидери.

Стив Кер е четирикратен НБА шампион со Голден Стејт Вориорс, пет пати ја освојувал титулата како играч, додека со репрезентацијата има два златни олимписки медали (Париз 2024, Токио 2021).