Спортскиот директор на Интер, Џузепе Марота, ги израдува навивачите на клубот со информацијата дека тој е во завршна фаза од преговорите со стоперот на Атлетико Мадрид, Диего Годин.
Уругвајскиот одбранбен играч оваа недела беше стрелец на еден од головите во триумфот на Атлетико Мадрид над Јувентус со 2:0, но и покрај капитенската лента и статусот на икона на клубот, тој би можел да ја напушти Ла Лига по крајот на сезоната.
Бепе Марота, кој порано беше спортски директор на Јувентус, призна дека преговорите со Годин се во финална фаза и дека Интер наскоро ќе го потврди трансферот на уругвајскиот репрезентативен капитен.
„Среќен сум бидејќи сме во завршна фаза од преговорите и убаво беше да се види Годин како постигнува гол против Јувентус. Навистина сум голем оптимист кога е во прашање неговиот трансфер и верувам дека наскоро ќе можеме официјално да објавиме дека тој е играч на Интер“, изјави Марота за Sky Italia.
Но, во Интер не е сѐ така сјајно во Интер. Тимот е во солидна форма, но неодамна беше официјално објавено дека ќе му биде одземена капитенската лента на Мауро Икарди, по што тој не настапи на двата последни натпревари на клубот. Според Марота, ситуацијата е под контрола и медиумите „зборуваат повеќе отколку што навистина знаат“.