Филмот „Godzilla vs. Kong“ продолжи да доминира рушејќи рекорди на светскиот бокс-офис во време на пандемијата со COVID-19.
Најголемиот блокбастер прикажан во време на пандемија, „Godzilla vs. Kong“ на Warner Bros. заработи над 390 милиони долари на глобално ниво и 80 милиони долари во Северна Америка.
Минатата недела, домашната заработка на филмот го надмина „Tenet“ на Кристофер Нолан и сега продолжува да реди успеси на бокс-офисот. Трет викенд по ред „Godzilla vs. Kong“ се наоѓа на врвот на домашниот бокс-офис, со заработка од 2 милиони долари.
Филмот е првиот којшто заработи над 100 милиони долари во САД и во Канада откако е почната пандемијата.
На второто место е акциониот трилер „Nobody“ со Боб Оденкирк со заработка од 690.000 долари на домашниот бокс-офис, односно 2.5 милиони долари на глобално ниво. За прикажување од четири недели филмот заработи 34 милиони долари на светскиот бокс-офис, односно 19 милиони во САД, пишува Variety.