Најдобриот тенисер во светот Новак Ѓоковиќ рече дека АТП листата повеќе не го интересира.
Новак пред самиот почеток на настапот на Мастерс турнирот во Рим ја изненади тениската јавност со својата изјава поврзана со ранг-листата на АТП. Тој доминира на АТП листата веќе подолго време.
Листата на АТП воопшто не ме интересира, ниту колку недели ќе бидам прв. Ќе доминираат Рубљов, Беретини, Зверев, Циципас и сите играат одлично и постигнуваат важни поени.
„Тука се и Медведев и Тим кои се на врвот веќе со години наназад. Сигурен сум дека некој од нив ќе ме симне од врвот, но тоа не ме интересира – сега ме интересираат само Грен слем турнирите“, изјави светскиот рекет број 1.
Ѓоковиќ на Мастерсот во Рим ќе го почне настапот против Американецот Тејлор Фриц.