Француската министерка за спорт Роксана Марачинеану донесе одлука вакцината да биде задолжителна за сите спортски настани во таа земја.
Како што објави минстерката на Twitter, во Франција е донесен нов закон кој наскоро стапува на сила. Законот се однесува на задолжителна вакцинација за социјални настани во кои спаѓаат и спортските како Ролан Гарос, што дополнително ја отежнува ситуацијата со најдобриот тенисер во светот.
Новак неодамна откри дека не е вакциниран, а според новиот закон во Франција, српскиот тенисер нема да може да игра на Ролан Гарос без вакцинација.
Претходно се знаеше дека е потребна потврда за вакцинација задолжително и за Вимблдон и УС Опен, а француските власти неодамна изјавија дека Ѓоковиќ никогаш не би имал третман каков што доживеа во Австралија.
„Законот за вакцинација е усвoен и наскоро ќе почне да се спроведува, што значи дека задолжително ќе мора дa имате потврда за вакцинација за влегување во сите јавни установи (стадиони, киносали, сали). Тоа важи и за учесниците и за публиката, како за Французите така и за странските државјани“, напиша министерката за спорт.
