Светскиот ракет број 1, Новак Ѓоковиќ е уверен дека ќе ги сруши рекордите на легендата Роџер Федерер.
Српскиот тенисер моментално има 17 трофеи од „големите четири“, како и 282 недели како број 1 во светот, додека Федерер триумфираше 20 пати на Грен слем турнирите и помина вкупно 310 недели на врвот.
– Верувам дека можам да бидам тенисер со најмногу слем титули и да го подобрам рекордот за останување на првото место. Ова се моите јасни цели, рече Ѓоковиќ.
Тој додаде дека може да игра професионално до 40-годишна возраст.
– Не верувам во граници. Мислам дека границите се илузии на нашето его или на нашиот ум, додаде Србинот.
