Многу полесно од очекувањата Новак Ѓоковиќ ја реши полуфиналната пресметка со Американецот Томи Пол и се избори за ново финале на првиот Грен слен во календарот.
Американскиот тенисер, кој е рангиран на 35. место на АТП, даваше отпор само во првиот сет кога по водството на Ѓоковиќ од 5-1 успеа да се врати во игра израмнувајќи на 5-5. Сепак, Србинот го доби првиот сет со 7-5.
Потоа деветкратниот освојувач на Австралија опен буквално го растури американскиот тенисер во наредните два сета, кои ги доби со 6-1 и 6-2, и со убедливи 3:0 се пласираше во финалето.
Во големото финале од утринава чека Гркот Стефанос Циципас кој по три и пол часовна игра со 3:1 го совлада Русинот Карен Хачанов. Новак во своето десетто финале влегува со перфектен скор - досега нема пораз во финале на Австралија опен. Циципас, кој е 11 години помлад од Ѓоковиќ, досега нема освоено Грен слем турнир, а ова ќе му биде само второ финале откако во 2021 играше за пехарот на Ролан-Гарос кога загуби од, погодувате, Новак Ѓоковиќ.
Финалниот натпревар во Мелбурн е закажан за в недела од 9:30 часот по македонско време. Циципас е трет на АТП, додека Ѓоковиќ е четврти.
