На четвртиот ден од Завршниот АТП турнир во Торино, првиот светски рекет Новак Ѓоковиќ го победи Андреј Рубљов од Русија со 2:0, по сетови 6-3 и 6-2.
По оваа победа, Србинот веќе по второто коло во групната фаза, обезбеди пласман во полуфиналето.
Во текот на денот беше соопштено дека Гркот Стефанос Циципас се повлече од турнирот и на негово место ќе дојде Камерон Нори.
Од вчера, учество помеѓу најдобрите четири има обезбедено и Даниил Медведев.
Турнирот во Торино се игра од 14 до 21 ноември за награден фонд од 7,25 милиони долари.