Новак Ѓоковиќ, првиот тенисер во светот во интервју за France.tv зборуваше за тоа кои се шансите да освои трофеј на Ролан Гарос, но и за тоа што е неговиот најголем предизвик.
По освојувањето на Австралија Опен, наредниот турнир од најзначајната серија е оној во Париз – Ролан Гарос.
На последниот турнир Новак изгуби од Рафаел Надал кој беше убедлив во трите сета.
„Имам проблем кој се вика Рафаел Надал. Но, ќе се обидам да освојам трофеј“, изјави Ѓоковиќ за France.tv.
Ѓоковиќ заедно со Робин Содерлинг се единствените играчи кои го совладаа Надал на Ролан Гарос. Шпанецот има дури 13 титули.
„Ако имате совет како да го победам, кажете ми. Морате да бидете физички и ментално подготвени за да го победите. Еднаш го направив тоа, но и често губев. Ова ми е најголемиот предизвик и ќе дадам сè од себе за да го победам“, додаде Новак.
