Првиот тенисер во светот Новак Ѓоковиќ е на листата на репрезентативци на АТП купот во Сиднеј, објавија организаторите.
Сè уште не е познато дали освојувачот на 20 Грен слем титули ќе учествува на првиот Грен слем турнир бидејќи одби да одговори дали е вакциниран против коронавирус. Ѓоковиќ минатата недела рече дека за кратко време ќе објави дали ќе настапи на Австралија Опен.
На АТП купот не е задолжителен влез со вакцина, но секој патник кој ќе влезе во Австралија мора да покаже потврда за вакцинација или да помине 14 дена во карантин. Невакцинираните играчи треба да пристигнат во Сиднеј најдоцна до 16 декември.
На АТП купот нема да учествуваат Рафаел Надал и Роџер Федерер. АТП купот ќе се одржи од 1 до 9 јануари.