Новак Ѓоковиќ го освои Австралија Опен со победата над Русинот Данил Медведев по игра од еден час и 53 минути, но во средината на турнирот српскиот тенисер почна да се жали на повреда која се влоши.
Денеска потврди дека магнетната резонанса покажа напукнување на стомачниот мускул од 1.7 на 2.5 сантиметри. Првите прогнози се дека најдобриот тенисер во светот ќе паузира најмалку еден месец. Според докторите, повредата не е сериозна, но е потребно време за да заздрави.
Ѓоковиќ изјави дека луѓето секогаш се сомневале и ќе продолжат да се сомневаат во него.
„Тие секогаш ќе се сомневаат во тоа што го зборувам или правам и тоа е во ред, го прифаќам фактот дека не можам на сите да им угодам“, вели тенисерот, пренесе The Age.
За повредата на Ѓоковиќ коментираше и неговиот тренер Горан Иванишевиќ.
„Уште еднаш ќе направи магнетна резонанса за да видиме во каква состојба е. Потоа како тим ќе одлучиме кој ќе биде неговиот следен турнир. Во секој случај, не може да игра само на Грен слемови. Иако, искрено, сега и не е толку важно тоа бидејќи Новак тукушто го освои едниот од четирите најголеми“.
