Откако хрватскиот тенисер Марин Чилиќ мораше да го откаже настапот на Вимблдон поради коронавирус, сосема неочекувано во голема неволја се најде и Новак Ѓоковиќ.
Според The Telegraph, тој тренирал со Новак минатиот четврток и на тој начин го загрозил.
Очигледно Ѓоковиќ ќе мора да биде тестиран, а доколку биде позитивен, тоа би значело крај за него, бидејќи би морал да го напушти турнирот, тврди The Telegraph.
„Ги следиме инструкциите на владата на ОК за изолација и потенцијални инфекции со корона“, соопшти службата за односи со јавноста на Вимблдон.
Тоа би било продолжение на неверојатниот пех за Ѓоковиќ, кој доби забрана за настап на Австралија Опен како невакциниран тенисер, а сосема е извесно дека нема да може да настапи на последниот Грен слем турнир на САД, УС Опен.
Српскиот тенисер и прв фаворит на турнирот Новак Ѓоковиќ успешно ја започна одбраната на титулата на Вимблдон. Со резултат 3:1 (6:3, 3:6, 6:3 и 6:4) го победи Јужнокорејецот Сунву Квон, 81. играч на АТП листата.
Во следната фаза српскиот тенисер треба да игра против Танасис Кокинакис.
