Најдобриот тенисер во светот Новак Ѓоковиќ продолжува да руши рекорди по бројот на недели поминати на врвот на светскиот тенис.
Ѓоковиќ во понеделник ја започна 351. недела како прв тенисер во светот.
Српскиот тенисер по седми пат ќе ја заврши годината како светски рекет број 1.
Новак на 8 март го надмина Роџер Федерер по бројот на недели поминати на врвот на АТП листата(310) и оттогаш го зголемува рекордот.
Пред него е единствено Германката Штефи Граф која на првото место помина 377 недели.
Србинот има 11.540 поени, а на второто место е Данил Медведев кој има 8640.