Новак Ѓоковиќ го загуби статусот на најдобар тенисер во светот бидејќи како невакциниран не можеше да влезе во САД за да игра на Мастерс турнирите во Индијан Велс и Мајами, но вели дека не жали.
Ѓоковиќ во ексклузивното интервју за CNN зборуваше за тоа дека американската влада не му дозволила да влезе во земјата, а ја искористи приликата да му честита на Карлос Алкарас што по вторпат го симна од тронот на светскиот тенис.
„Не жалам што не можам да влезам во САД. Во мојот живот научив дека жалењето може само да те повреди, да те натера да живееш во минатото, а јас не го сакам тоа. Сакам да бидам во сегашниот момент што е можно повеќе, но и да размислувам за иднината, да создадам подобра иднина. Имав многу успеси во Индијан Велс и Мајами, но свесно донесов одлука и знаев дека постои ризик да не одам таму“, изјави Ѓоковиќ и додаде:
Му честитам на Алкарас. Апсолутно заслужи да се врати на позицијата број 1“, изјави Новак.
„Се надевам дека одлуката ќе се промени и дека ќе можам да играм на УС оОпен. Тоа е најважниот турнир за мене на американско тло. Многу сакам да играм во Њујорк. Кога загубив од Медведев во финалето во 2021 година, доживеав еден од најдобрите моменти со публиката, ја добив нивната љубов и почит. Сакам да се вратам и повторно да се поврзам со нив. Се надевам дека тоа ќе се случи“, заврши Ѓоковиќ.
