Деветкратниот освојувач на Австралија опен се пласираше во полуфиналето на овогодишното издание од првиот Грен слен турнир откако со убедливи 3:0 го среди рускиот тенисер Андреј Рубљов.
Беше тоа двобој на петтиот и шестиот рекет моментално во светот според АТП ранг-листата, но на теренот воопшто не личеше на таков бидејќи беше далеку од рамноправен. Ѓоковиќ доминираше од самиот почеток, па во првите два сета на противникот му препушти само три гема, а потоа направи брејк во првата игра од третиот сет за водство кое мирно го задржа за да ја оствари својата 26. последователна победа во Мелбурн.
Новак Ѓоковиќ ја освои Австралија опен во 2019, 2020 и 2021 година, додека минатата 2022 година не му беше дозволен влез во земјата бидејќи немаше примено вакцина против COVID-19.
Во полуфиналето Ѓоковиќ ќе играа против Американецот Томи Пол кој претходно денеска го совлада сонародникот Бен Шелтон со 3:1 (7-6 (6), 6-3, 5-7, 6-4). Другата полуфинална двојка ја сочинуваат Гркот Стефанос Циципас и Русинот со ерменско потекло, Карен Хачанов.
Кај тенисерките во полуфиналето ќе играат Магда Линет и Арина Сабаленка, односно Викторија Азаренка и Јелена Рибакина.
