Новак Ѓоковиќ стигна до полуфиналето на УС Опен со победа од 3:1 во сетови против Италијанецот Матео Беретини.
Со победата против Италијанецот стигна до 224. победа над најдобрите 10 играчи во 325. меч и со тоа го собори рекордот на Роџер Федерер, кој има 223 победи и 123 порази против најдобрите 10 играчи.
Првиот сет траеше речиси 80 минути, а најголемата борба беше во седмиот гем, кој Ѓоковиќ го доби по речиси 10 минути и откако спаси две брејк-топки. Бидејќи Италијанецот, како и сите други противници на Ѓоковиќ во Њујорк, имаше голема поддршка од публиката, Ноле во тој гем двапати им се обрати на гледачите. Тој луто гестикулираше „Не ве слушам“ ставајќи ја раката на уво, а потоа мал број од неговите обожаватели се разбудија извикувајќи „Ноле, Ноле!“
За да се квалификува за своето деветто финале во Њујорк, тој ќе игра против Германецот Александар Зверев, тенисер кој го запре на патот до златото на Олимпијадата. Во досегашните девет средби меѓу нив, Ѓоковиќ славеше шестпати.
