Најдобриот тенисер во светот Новак Ѓоковиќ би требало да биде селектор на Србија на претстојниот АТП куп во Сиднеј, откри Виктор Троицки.
„Јас како селектор на овој натпревар не верувам дека ќе можам да одам. Селекторот не одлучува ништо бидејќи првиот и вториот рекет играат сингл, тука нема некои промени. Едниствено само ако се повреди некој од нив па да има кој да ги замени. Не можам да одлучам ништо. Засега мислам дека нема да одам“, рече Троицки.
„Даблот се договара, можам да го договорам тоа. Од друга страна, според правилата, ако нема селектор, првиот играч на репрезентацијата може да ја преземе неговата улога, да одредува кој ќе игра во дабл. Тоа е Новак“, потенцираше Троицки.
АТП купот се одржува од 1 до 9 јануари 2022 во Сиднеј, а Србија ќе се натпреварува во групата А со Норвешка, Чиле и Шпанија.
