Исчезнувањето на славната кинеска тенисерка Пенг Шуаи ја загрижи спортската јавност откако со денови се губи секаква трага од неа.
Кон почетокот на ноември Пенг на социјалната мрежа Weibo го обвини политичарот Шанг Гаоли за силување.
Загриженоста порасна откако Пенг не е видена од тој момент. Објавата беше избришана по само 20 минути, а на истата социјална мрежа не може да се најде ништо од тенисерката.
Реакциите од светот на тенисот не стивнуваат, се огласи и најдобриот тенисер во светот, Новак Ѓоковиќ кој е шокиран од овие информации.
„Кога ја слушнав приказната за Пенг Шуаи останав во шок. Се надевам дека е добро и дека што побрзо ќе биде пронајдена“, изјави тенисерот.