Ѓоковиќ во солзи: Пресреќен сум што ѝ донесов злато на Србија

Српскиот тенисер Новак Ѓоковиќ вчера го освои златото во машки сингл на Олимписките игри во Париз, а по финалето имаше големо славје во кое беше многу емотивен.

„Не знам што да кажам, во целосен шок сум. По полуфиналето реков дека целта е обезбедена, знаев дека сите сакаат да одам на злато и јас го сакав длабоко во себе. Тој убедлив пораз во Финалето на Вимблдон многу ми помогна. Не можев да поминам полошо од тоа. Ги распалив форхедите како и што распалуваше и тој“, рече Ѓоковиќ.

По победата отиде на трибините да го прегрне семејството - сопругата и двете деца.

„Веднаш отидов да ги гушнам сите, пресреќен сум што ѝ донесов злато на Србија, ова е можеби мојот најголем спортски успех во животот“, изјави Ѓоковиќ.

Да потсетиме, Новак во финалето го совлада Карлос Алкараз со 7:6, 7:6 и тоа е прв олимписки златен медал во кариерата на 37-годишниот српски тенисер.

Ѓоковиќ го заврши „Златниот слем“, односно ги освои сите четири Грен слем и олимпиското злато, што досега им успеало само на Штефи Граф, Андре Агаси, Рафаел Надал и Серена Вилијамс.

Дури и пред олимпиското злато, Ѓоковиќ за многумина беше најголемиот во историјата откако освои 24 Грен слем, седум финалиња на АТП, Дејвис куп, 40 Мастерси и Златен Мастерс.

Дури 428 недели по ред беше на првото место на АТП листата дури 13 години, а вкупно има освоено 72 големи трофеи.

Со златен медал од Олимписките игри може да се пофали и Шпанецот Рафаел Надал, кој освои 22 Грен слем и 36 Мастерси. Сепак, тој не освои ниту едно АТП финале и има освоено вкупно 59 големи трофеи.

Роџер Федерер ја заврши својата голема кариера без олимписко злато. Швајцарецот има најлоши бројки во споредба со Ѓоковиќ и Надал откако има освоено 20 Грен слем и 28 Мастерси. Тој исто така освои шест финалиња на АТП и има освоено вкупно 54 големи трофеи.

 

 

 

 

View this post on Instagram

 

 

 

 

 

 

 

 

 

 

 

A post shared by ATP Tour (@atptour)