Голманот на англискиот четвртолигаш Њупорт Каунти постигна гол на натпреварот против Челтнхем во вторникот, што влезе во Гинисовата книга на рекорди.
При резултат 0:0, Том Кинг изведе гол-аут и ја исфрли топката кон противничката половина. Носена од силен ветер, топката отскокна и потоа прелета над противничкиот голман и заврши во голот.
Англичаните измерија дека Кинг постигна од 96,01 метри далеку од голот, со што беше срушен претходниот рекорд на Асмир Беговиќ, кој погоди за Стоук Сити во 2013 година од 91,9 метри.
Кинг рече дека ќе контактира со голманот на БиХ и ќе му каже дека му е жал што му го зел рекордот.
„Секако дека сум среќен што постигнав гол, иако тоа воопшто не беше мојата намера. Среќен сум што ќе зборуваат за мене со години“, рече Кинг.