Осми последователен пораз за Вориорс кои сезонава влегоа во најдолгата неуспешна низа откако беа совладани на гостувањето кај Гризлис.
Серијата од 7 порази по ред во ноември сега е престигната откако ноќеска Голден Стејт го забележа осмиот пораз губејќи со 20 поени разлика на гостувањето во Тенеси. Најефикасен беше „Воинот“ Д'Анџело Расел со 34 поени, а кај домаќините Литванецот Јонас Валанчиунас постигна 31 поен и забележа 19 скокови.
Денвер се проби на второто место во Западната конференција откако дома победи против Лос Анџелес Клиперс кој претходно беше втор, а сега падна на 5-тото место. И Покрај тоа што Нагетс триумфираа, тројцата најефикасни на натпреварот беа од редовите на гостите: Каваи Ленард постигна 30 поени, Лу Вилијамс 26, додека Монтрез Харел 25. Во редовите на домаќините девет различни играчи запишаа поени од кои најмнофгу Србинот Никола Јокиќ, 20.
Резултати:
Њујорк Никс - Мајами Хит 124:121
Вашингтон Визардс - Јута Џез 116:127
Бруклин Нетс - Атланта Хокс 108:86
Мемфис Гризлис - Голден Стејт Вориорс 122:102
Торонто Репторс - Сан Антонио Спарс 104:105
Денвер Нагетс - Лос Анџелес Клиперс 114:104
Феникс Санс - Шарлот Хорнетс 100:92