Познатата игра GoldenEye 007 доаѓа наскоро на конзолата Xbox на Microsoft, како и на рачната играчка конзола Switch на Nintendo.
Станува збор за ремастер на легендарната игра која се појави во 1997 година за конзолата Nintendo 64, а гејмерите наскоро ќе можат да ја играат оваа игра во 4K резолуција на Xbox и Nintendo Switch. Дополнително, ќе може да се игра играта во режим multiplayer со поделен екран.
Играта ќе ја продава компанијата Rare, која потврди дека насловот GoldenEye 007 HD ќе биде достапен и преку Xbox Game Pass и Nintendo Switch Online. Сепак, онлајн multiplayer режимите ќе бидат ексклузивни за рачната конзола Switch. Во моментов нема точен датум за издавање на играта, но се очекува наскоро.
Режимите Campaign и Cheat ќе бидат достапни за гејмерите, а ќе се врати и поддршката за аналогни стикови и формати 16:9 со резолуција до 4K. Оние кои веќе поседуваат дигитална копија од компилацијата на играта Rare Replay ќе ја добијат GoldenEye 007 HD бесплатно.
Оваа игра требаше да се појави во 2008 година на Xbox 360, но проблемите со лиценцирањето и авторските права беа компликацијата што го спречи возобновувањето. Ремастерот за HD беше објавен минатата година заедно со оригиналната single-player кампања и локалниот multiplayer.
Оваа информација доаѓа додека обожавателите на британскиот агент Џејмс Бонд ја слават 60-годишнината од франшизата. По тој повод се одржуваат различни настани, од кои сите ќе кулминираат со Денот на Џејмс Бод на 5 октомври.
