Научниците предупредуваат дека луѓето коишто се на веганска исхрана се во голема опасност од недостаток на витамин Б12 и додаваат дека ризикот од недостатокот на овој витамин не е мит.
Тие за ова зборуваа пред 'veganuary', период од годината кога голем број на луѓе преминуваaт на веганска исхрана.
Овој вид на исхрана всушност е богат со влакна и содржи многу малку холестерол, но некои хранливи состојки од овој начин на исхрана е тешко да се добијат, вклучувајќи го и витаминот Б12.
Меѓутоа, веганите напоменуваат дека овој витамин го добиваат од суплементите кои дополнително ги внесуваат во исхраната.
На возрасните луѓе им се потребни околу 1,5 микрограми Б12 дневно. Овој витамин се наоѓа во месото, рибата, јајцата и млечните производи, но не во овошјето, зеленчукот или житариците.
Недостатокот од Б12 може да доведе до оштетување на нервите. Ваквите симптоми се појавуваат три или четири години претходно, а воглавно се манифестираат со трнење во рацете или нозете.
Доколку луѓето сакаат да бидат вегани, а никогаш не се трудат да се едуцираат за тоа што треба да јадат како вегани, можат да развијат недостаток од витамин Б12.
Од сите микронутритиенти, Б12 е оној кој највеќе нè интересира. Загрижен сум што многумина мислат дека недостатокот на Б12 е мит, вели епидемиологот Тим Ки.