Голем дел од источниот брег на Австралија, кој беше зафатен со пожарите, денеска е под вода поради обилните дождови.
Дождот изгасна некои од најопасните пожари.
Сепак, поради силните врнежи, во некои делови на Нов Јужен Велс постои ризик од поплави и лизгање на земјиштето.
Комесарот на противпожарната служба Шејн Фицсимонс рече дека е оптимист дека дождот ќе помогне да се изгасат повеќедневните пожари.
„Нема сомнеж, дождот е добар за земјоделството, но и за гаснење на пожарите со кои сме соочени со месеци“, рече Фицсимонс.
Дождот го намали бројот на активни пожари во Нов Јужен Велс за 20, во рок од еден ден.