Шпанскиот премиер Педро Санчес на денешната седница на Конгресот најави дека Шпанија ќе ги следи чекорите на Норвешка и Ирска и ќе ја признае државата Палестина.
Санчес зборуваше за признавањето на Палестина уште на почетокот на седницата на Конгресот што започна во 9 часот.
„Дојде време да се премине од зборови на дела. Ќе ја браниме палестинската држава заради кохерентност. Ја браниме истата одлука во Украина и Палестина“, рече Санчес.
По оваа реченица, во Конгресот на Шпанија следеше огромен аплауз, пред сè од претставници на левицата, поточно Социјалистичката работничка партија и движењето Сумар.
Исто како и во случајот со Норвешка и Ирска, признавањето ќе стане конечно на 28 мај.
„Неопходно е да се одржи идејата за две држави. Нетанјаху го оглувува увото и го казнува населението со глад и ужас. Нетанјаху нема мировен проект за Палестина“, рече Санчес.
Први денеска одржаа прес-конференција политичари од Норвешка, а премиерот рече дека признавањето на Палестина е неопходен чекор кон мирот.
„Во средината на војната, со десетици илјади мртви и ранети, мораме да го одржиме во живот единственото нешто што може да обезбеди безбеден дом и за Израелците и за Палестинците. Две држави кои можат да живеат во мир една со друга“, рече Сторе.
Недолго потоа следеше обраќањето на ирскиот функционер.
„Застанав овде пред неколку недели со премиерот на Шпанија. Ова е историски момент за Ирска, но и за Палестина. Ние веруваме во слободата и правдата. Веруваме дека траен мир е можен само преку слободната волја на слободните луѓе“, рече Сајмон Харис на прес-конференцијата.