Американскиот претседател забележа пад од 92 места на листата на најбогати Американци, која секоја година ја прави магазинот Forbes.
Минатата година богатството на Доналд Трамп било проценето на 3,7 милијарди долари, додека оваа година се проценува на околу 3,1 милијарда долари.
Според Forbes, вредноста на имотот на претседателот на САД забележала пад поради намалувањето на вредноста на неговите недвижности во Менхетн.
Трамп стана првиот милијардер кој бил претседател на САД, и сега е рангиран како 248-ми најбогат Американец, додека минатата година тој се наоѓаше на 156-то место.
Додека беше кандидат за претседател, Трамп тврдеше дека неговото богатство изнесува над 10 милијарди долари, но според Forbes тој бил најбогат во 2015 година, кога поседувал околу 4,5 милијарди.
На врвот на листата и оваа година се наоѓа Бил Гејтс, а веднаш зад него се Џеф Безос и Ворен Бафет.