Голема еколошка акција во Боливија за чистење на загаденото езеро Уру Уру кое во меѓувреме сушата речиси и го испразни.
Езерото Уру Уру се наоѓа на надморска височина од 3.686 метри и е прилично младо, формирано во 1962 година од реката Десагуардеро која поплавила еден вдлабнат простор. Реката инаку ги поврзува езерата Титикака и Поопо.
Со години Уру Уру важеше за голем атуристичка атракција за бродски туризам и поради фактот што беше пребогато со рибен фонд. Но, при една голема суша во 2016 година водата речеси целосно исчезна, а на виделина остана само човековото ѓубре.
До годинава, голем дел од некогашното езеро беше покрен со смет, најмногу пластика од блискиот град Оруро кој е индустриски центар. Додатно, преостаната вода е значително загадена со кадиум, цинк и арсен.
Синоќа локалните жители организираа голема еколошка акција за чистење на коритото кое се надеваат дека наскоро повторно ќе се наполни. Тони ѓубре беа собрани и транспортирани со центрите за рецвиклирање.
„Има премногу пластика која треба да се собере и тоа нема да заврши денес, ниту утре, ќе ни треба долг период за да го исчистиме“, вели активистот за заштита на природата, Маркос Чавес Флорес.
Целта на волонтерите не е само да го отстранат сметот туку и правилно да го сортираат со цел тој да не биде натрупан на друго место, туку да биде рециклиран.
„Лесно е да се собере и да се фрли некаде. Ние издвојуваме работи кои се рециклираат, кои се реупотребливи, или кои лесно се разградуваат, оние коишто се еколошки“, објаснува волонтерката Алисиа Киса.