Метеоролошката служба Severe Weather Europe ја објави првата долгорочна прогноза за претстојната зима. Тие се фокусираа на моделот ECMWF од Европа.
„Овие прогнози даваат просечна слика за три метеоролошки зимски месеци (декември-јануари-февруари) и ги покажуваат општите временски услови кои преовладуваат. Дури и ако моделите се 100% точни, тоа не значи дека овие временски услови би траеле три месеци со ред. Оваа прогноза само сугерира како би изгледале временските обрасци во поголемиот дел од времето“, забележува SWE.
Моделот ECMWF често се смета за еден од најсигурните модели за временска прогноза. Но, ниту една долгорочна/сезонска прогноза не може да се нарече „сигурна“, бидејќи ги разгледуваме само трендовите и како временските обрасци може да се развиваат во подолг период, забележува SWE.
Според овој модел, просечни температури на воздухот се очекуваат на запад во Европа, со влијание на блиско подрачје со низок притисок. Потопли аномалии се предвидуваат над делови од централна Европа, кои се издигнуваат на североисток.
Што се однесува до прогнозата за врнежите, Европа треба да има претежно просечни врнежи за зимата, со некои посува области на североисток. Повеќе врнежи се предвидуваат над Медитеранот.
Што се однесува до прогнозата за снежни врнежи, првенствено потпросечни количества снег се забележани над Европа. Сликата подолу ја покажува просечната длабочина на снегот за февруари, кој е последниот месец од зимата. Се гледа дека и покрај негативните аномалии на континентот сè уште има мала снежна покривка. Значи, дури и ако прогнозата предвидува помалку снег, тоа не значи дека нема да има.
Severe Weather Europe објави резиме на прогнозите за Европа. Се очекува Европа да има температури повисоки од просечните во поголемиот дел од северните и североисточните делови на континентот и делови од централна Европа. Од друга страна, просечни температури се очекуваат над западните предели.
Ова сугерира дека може да има периоди со повеќе студени фронтови и постудени денови на западот од континентот.
Во централна и западна Европа се очекуваат претежно просечни врнежи. Повеќе врнежи се очекуваат во јужните делови на континентот. Прогнозата за снежни врнежи покажува помалку снежни врнежи над Европа, што не е целосно во согласност со прогнозите за врнежи и температура, заклучуваат метеоролозите од SWE.
