Меѓународната тениска федерација (ITF) соопшти дека мечевите од Дејвис Купот, во групите I и II, од следната сезона ќе се играат во „променет формат“.
Во желба Дејвис Купот да стане натпреварување привлечно за врвните тенисери, ITF одлучиле во пониските рангови од ова натпреварување од следната година да тестира нов формат: Ќе се играат два дена наместо три и на два добиени сета наместо три како што беше досега.
Мечевите од група I ќе се играат во петок и сабота, а мечевите од Групата II во сабота и недела.
Првиот ден ќе се играат два меча во поединечна конкуренција, а вториот меч во двојки и уште два во сингл.
Овие промени не се однесуваат на Светската група од Дејвис Купот.
Претседателот на ITF – Дејвис Хегерти изјави дека изменетиот формат на овој куп подоцна би можел да биде применет и во Светската група ако тоа решение се покаже како успешно.
ITF одлучи дека петти меч нема да се игра ако во четвртиот се реши прашањето за победникот.
Исто така, ако една репрезентација направи предност од недостижни 3:0, ќе се игра само четврти меч, не и петти. Одлучено е и тимовите да го зголемат бројот на играчи од четири на пет.
Последниве промени важат и за Светската група и за ниските рангови од натпреварувањето.
