Првиот голман на македонската ракометна репрезентација доби неколку негативни тестови по што сега чека одлука на ЕХФ за да замине на Европското првенство.
Никола Митревски беше еден од четворицата ракометари кои не заминаа за Унгарија откако добија позитивен ПЦР тест на COVID-19. Но, бидејќи бил без симптоми тој потоа направил неколку брзи тестови како и нов ПСТ тест и сите дале негативен резултат.
Од РФМ ја известиле Европската ракометна федерација по што сега се чека нивна одлука на тоа дали Митревски ќе може да излезе од задолжителниот петдвевен карантин и веднаш да замине за Унгарија.
Тој дефинитивно нема да биде на располагањае за денешното отворање против Словенија, но доколку одлуката на ЕХФ е позтитивна, тогаш ќе застане помеѓу стативите на дуелот со Црна Гора в сабота во рамките на 2. коло.
Доколку, пак, ЕХФ остане на ставет дека мора да миран тие пет дена изолација, во тој случај Митревски ќе брани само во 3. коло против великанот Данска.