Голманот на Њукасл и англиски репрезентативец Ник Поуп синоќа ја продолжи неверојатната серија на натпревари без примен гол, стигнувајќи до 10, што претставува 901 минута активна игра или повеќе од 15 часа.
Во денешниот фудбал тоа изгледа невозможно, но голманот на Њукасл го прими последниот гол на 6 ноември, на натпреварот помеѓу Саутемптон и Њукасл (1:4).
Од тој момент поминаа 10 натпревари во кои Ник Поуп не примил гол. Во меѓувреме, Њукасл прими два гола во ФА Купот против Шефилд Венсдеј, но тренерот Еди Хау реши да го одмори Поуп, па Мартин Дубравка се најде меѓу стативите.
Серијата се „искачи“ на двоцифрена ноќеска во победата на Њукасл со 1:0 на гостувањето кај Саутемптон во полуфиналето на Лига купот. Со своите одбрани помогна да се дојде до победа во првиот полуфинален натпревар и да се стигне до финалниот натпревар.
Во меѓувреме, неговиот соиграч Бруно Гимарајс тврди дека во моментов нема подобар голман во светот од Поуп.
„Мислам дека тој е најдобриот голман во светот во моментов“, изјави Гимарајс во присуство на својот колега од „Страчките“.
Колку му се посреќи на Њукасл што го има Поуп доволно говори и податокот дека минатата зима голманот беше платен само 10 милиони фунти, кога дојде од Барнли.
