Фудбалерите на ПСЖ фуриозно ја започнаа новата сезона со победа од 5:0 на гостувањето кај Клермон, а одлично се истакна Лионел Меси кој постигна одличен гол на крајот од натпреварот.
Најдобриот момент на натпреварот се случи во 86. минута. По одличното додавање на Паредес, Меси ја прими топката на гради и потоа со „ножички“ го постигна најубавиот гол откако дојде на „Паркот на принцовите“.
Дури и локалните навивачи скандираа „Меси, Меси“ од трибините ја поздравија магијата на, според многумина, најдобриот фудбалер на сите времиња и му оддадоа почит на фудбалскиот велемајстор.
Натпреварот беше дебито на новиот тренер Кристоф Галтје на клупата на парижаните, а освен Меси кој постигна два гола, во листата на стрелци се запишаа и Хакими, Маркињос, и Нејмар кој имаше дури три асистенции.