Google Chrome е најпопуларниот прелистувач во светот, но сепак има многу проблеми, особено кога станува збор за Windows 10.
Затоа Google во моментов работи на решавање на двата најголеми проблема што Chrome сè уште ги има - прекумерна употреба на RAM меморијата и нестабилното работење.
Иако е најпопуларен, Chrome е познат по тоа што троши многу RAM меморија, особено кога се отворени многу јазичиња одеднаш. Ова не само што може да го забави целиот компјутер, туку може да предизвика и едноставно исклучување или пад на Chrome.
И Microsoft и Google работат на тоа Chrome да биде подобар за Windows 10, а се чини дека функцијата TerminateProcess може да помогне.
Имено, како што велат од компанијата Google, функцијата TerminateProcess „веќе многу помага во безболно исклучување на процесот, без нарушување на работата на интернет-пребарувачите“, пренесува Tech Radar.
Едноставно кажано, ова значи дека Chrome треба да работи поефикасно за корисниците на Windows 10, особено ако го користите подолго и со многу отворени јазичиња.
Посигурен и ажуриран Google Chrome, подобрен со сите овие нови функции, би требало да добиеме во 2021 година.