Корисниците на Chrome ќе добијат предупредувања доколку Google верува дека зачуваните лозинки се компромитирани.
Google ја ажурира својата услуга за управување со лозинки за да ја направи полесна за користење и поконзистентна на сите платформи. Алатката исто така може да им помогне на корисниците да ги направат своите профили побезбедни по надградбата.
Дополнително на ова, Google овозможува искуството за управување со лозинките да биде исто и во Chrome и на Android. Автоматски ќе ги групира лозинките за истите локации и апликации.
Корисниците сега ќе можат директно да додаваат лозинки на Google Password Manager, како и да ги зачувуваат кога ќе се логираат на нивниот профил. Google сугерира дека корисниците на Android ќе можат побрзо да се логираат на сајтовите користејќи ја функцијата „touch-to-login“, која ќе биде достапна на дното на екранот.
Компанијата исто така посочува дека ќе ги извести корисниците преку екранот Password Checkup, доколку забележи дека се користат компромитирани информации. Корисниците на Android ќе добиваат и предупредувања за слаби и веќе користени лозинки.
Известувањата за компромитирани лозинки ќе бидат достапни и за корисниците на платформите iOS, Windows, MacOS, Linux и Chrome OS.