Google го откри дизајнот на својот нов кампус во Калифорнија што го осмислија архитектите од фирмата BIG и Heatherwick Studio.
Во документот со 67 страници, претставени се деталите од атрактивниот комплекс.
На рендерите се гледа структура со кров налик на шатор, а според документите, просториите ќе се делат со павилјони, лабораториите, кафулињата и салите ќе бидат на приземје, додека на катовите би биле канцелариите.
Фотонапонските соларни панели и прозорците ќе овозможуваат многу дневна светлина, а остатокот од зградата ќе биде изграден во минималистички стил со метал и стакло.
Низ зградата ќе поминуваат „зелени патишта" околу кои ќе има продавници и кафулиња.