Со години, корисниците на Android мораа да чекаат Google Play Store да инсталира или надгради една апликација или игра во исто време, но тоа е минато.
Google во април им дозволи на корисниците на својот оперативен систем и онлајн продавницата за апликации да инсталираат две апликации истовремено, но сега пристигна можноста за инсталирање или надградба до три апликации или игри.
Ако корисникот има три ажурирања што чекаат и ја избере опцијата Update All, Play Store ќе започне да презема и инсталира ажурирања за најмногу три апликации или игри истовремено, додека статусот на другите ќе се прикаже како Pending.
Новата функција постепено се шири кај корисниците ширум светот и ќе го намали времето потребно за инсталирање или надградба.
