Раководството на „Google“ потпиша договор со тајванската компанија „HTC“ вреден 1,1 милијарда долари, со цел да го зајакнат бизнисот со смартфони.
„Google“ нема да има влог во фирмата, туку дел од вработените во тајванската компанија ќе се приклучат кон гигантот од Силиконската долина.
„HTC“ некогаш беше голем играч на пазарот на смартфони, но во последно време се мачи да дојде блиску до конкуренцијата, бидејќи „Apple“ и „Samsung“ доминираат на пазарот веќе неколку години.
Овој договор е последен во низата потези кои „Google“ ги презема со цел да ги засили хардверските способности на компанијата. Според договорот, околу 2.000 работници на „HTC“ ќе прејдат во „Google“.
„HTC“ претходната година ги направи првите смартфони за „Google“, наречени Pixel и Pixel 2.