Корисниците на Android смартфони уште еднаш се предупредени за низа малициозни апликации што Google ги забрани, а оваа последна серија забранети апликации може сериозно да ги чини оние што ги презеле.
Апликациите неодамна блокирани од Google тврдат дека нудат „рударски“ услуги што носат пари, ако плаќате месечна претплата. Врз основа на анализата на Lookout, се проценува дека криминалците измамиле повеќе од 93.000 луѓе и украле најмалку 350.000 американски долари.
Вкупно 25 апликации се отстранети од официјалната продавница на Google со предупредување од Lookout дека над 100 апликации сè уште се достапни преку независни продавници што дозволуваат апликациите да се вчитуваат на уредите од недоверливи извори.
Веднаш штом беше посочен проблемот, Google веднаш ги отстрани овие апликации од Google Play:
Top Coins • Mr Bitcoin • Star BTC • Bitcoin Burn • Moon BAT • Bito Holic • Bito Hash • BitHash • Multi Coins • BitcoinCash Miner • Airdrop • Bright Miner • Pink BTC • XMR Miner • COIN Master • ETHMINER PRO • crypto cloud mining pro • Btc Miner pro • Bito Miner • Mining Machine • BTC CLOUD • BTC Cash • Black Crypto • Cloud Mining • Crypto Pro-Miner
Размислувате да користите апликации за „рударање“ криптовалути? Еве неколку совети од Lookout:
- Запознајте ги програмерите што стојат зад апликацијата. Кои сертификати или ингеренции ги имаат, кои други апликации ги имаат направено, дали компанијата има веб-страница и дали можете да ги контактирате?
- Инсталирајте од официјалната продавница за апликации. Иако измамите тешко се забележуваат, преземањето од официјална продавница го намалува ризикот од преземање на малициозен софтвер.
- Прочитајте ги Правилата и условите. Повеќето апликации за измами или имаат лажни информации или немаат достапни Правила и услови.
- Користете рецензии за апликации на други корисници. Читањето на искуствата на другите корисници со апликацијата може да ви ги отвори очите кога станува збор за препознавање измами.
- Разбирање на дозволите и активностите на апликацијата. Барајте „црвени аларми“ во активностите на апликациите. Дали апликацијата бара дозволи што ѝ се потребни за да функционира? Дали апликацијата паѓа или се ресетира нагло, дали нагло се ресетира салдото на криптовалутата, дали имаат смисла прикажаните бројки?