Со олеснувањето на рестриктивните мерки воведени поради епидемијата на коронавирусот, сè повеќе луѓе резервираат патувања и хотели преку интернет. Ова е многу добро за рекламниот бизнис на Google.
Исто така, вработените во таа компанија сè уште работат од дома и не патуваат толку многу на службени патувања – што е повторно добро за деловното работење на Google.
Конгломератот Alphabet Inc, кој инаку е сопственик на Google, во првиот квартал од годинава заштеди 268 милиони долари на патувања, промоции, забави, во споредба со истиот период минатата година, што е првенствено резултат на пандемијата, се наведува во извештајот на компанијата. Годишно, тоа би изнесувало повеќе од милијарда долари.
Всушност Alphabet во својот годишен извештај претходно оваа година соопшти дека трошоците за рекламирање и промоција се намалиле за 1,4 милијарди долари во 2020 година, бидејќи компанијата ја намали потрошувачката, паузираше или презакажуваше кампањи, а некои настани ги измени во дигитални формати поради пандемијата. Трошоците за патувања и забави се намалија за 371 милион долари.
Заштедите компензирале многу од трошоците направени при вработување на уште илјадници работници.
Сепак, компанијата планира да се врати во канцелариите подоцна оваа година. Извршниот директор Рут Порат им рече на инвеститорите дека Google планира „хибриден“ модел – со којшто ќе има повеќе простор по работник отколку претходно.
Порат, исто така, нагласи дека Google ќе продолжи да инвестира во своите недвижности низ целиот свет.
