Поранешната министерка за внатрешни работи, Гордана Јанкулоска, е упатена во КПУ Идризово, за издржување на казната затвор од 4 години како осудена во предметот „Тенк”, потврдуват за МИА од МВР.
Ваквата одлука следува по одбивање на барањето на Јанкулоска, упатено до Врховениот суд за вонредно испитување на одлуката на скопска апелација за случајот со незаконската набавка на мерцедесот С-600 во износ од 600 илјади евра. Освен Јанкулоска, во овој предмет како виновни се прогласија и Ѓоко Поповски (кој веќе е во извршување на казната затвор) и Никола Груевски кој моментално е во бегство во Унгарија (осуден на 2 години затвор).
Воедно, против Јанкулоска, во Кривичниот суд Скопје, моментално се во тек и два други предмета за „злоупотреба за службената должност”, односно „Таргет-Тврдина“ и „Титаник“.
