Во техничка просторија на 27-от кат во зградата на Светскиот трговски центар во Брисел попладнево избувнал пожар, а како што рече шефот на противпожарната служба, се запалил изолациски материјал.
Засега не се пријавени повредени.
На социјалните мрежи се објавуваат видеа на кои се гледа како густ црн чад излегува од зградата на која морничаво и впечатливо стои натписот: „Иднината е тука“.
Зградата сега не се користи затоа што се реновира, а во моментот на пожарот биле присутни само неколку работници, кои успеале навреме да се евакуираат.